Фота Ірыны Гайдамовіч / Waladarka.by
У суботу 27 лістапада ў браслаўскай парафіі Нараджэння Найсвяцейшай Панны Марыі пройдзе хрысціянскі баль.
Забаўляльная вечарына на Андрэйкі стала ў Браславе ўжо добрай традыцыяй. Штогод перад пачаткам Адвэнту мясцовыя вернікі збіраюцца разам, каб весела правесці час у коле братоў і сясцёр.
Штогод іх чакае нейкі сюрпрыз, і сёлета «цвіком праграмы» хрысціянскага балю стане «Тэсла-шоў». Акрамя таго, арганізатары абяцаюць жывую музыку, танцы і пачастунак.
Для ўдзелу ў мерапрыемстве неабходна набыць квіток, што можна зрабіць у сакрыстыі касцёла.
Пачатак у 18.00.
Дадатковая інфармацыя па тэлефоне:
+375 (29) 577 00 38 — ксёндз Уладзімір
