З 30 ліпеня па 1-га жніўня ў Навагрудку пройдуць рэкалекцыі для моладзі ад 16 да 30 гадоў.
«Узяўшы дзяўчынку за руку, Езус сказаў ёй: „Таліта, кум!“, што значыць: „Дзяўчынка, табе кажу, устань!“»
(пар. Мк 5, 1).
Упершыню такія рэкалекцыі супольнасць «Запавет Міласэрнасці» (Przymierze Miłosierdzia) праводзіла для моладзі ў верасні 2019 года ў Мастах.
Рэкалекцыі прызначаны для паглыблення сустрэчы з Панам у веры. Яны маюць свае асаблівасці, дзякуючы якім малады чалавек адкрывае сваё сэрца для любячага Нябеснага Айца. Духоўныя практыкаванні — гэта магчымасць правесці час у супольнасці веруючых людзей са Словам Божым і малітвай.
На жаль тыя, хто ўжо ўдзельнічаў у рэкалекцыях «Таліта кум» у Мастах, не могуць паўторна ўзяць у іх удзел (тады арганізатары патлумачылі ўдзельнікам, чаму гэта так).
На рэкалекцыі запрашаюць моладзь ва узросце ад 16 да 30 гадоў, у тым ліку маладыя сем’і ва ўказаным узросце.
Рэкалекцыі адбудуцца ў рэкалекцыйным доме ў Навагрудку з 30 ліпеня па 1-га жніўня.
Абавязковая рэгістрацыя па тэлефоне:
+375 (29) 586 39 16 — ксёндз Віктар
