Калі ўзнікае жаданне збегчы з дому, калі няма паразумення з бацькамі і прыгнятаюць канфлікты з аднагодкамі, рэкалекцыі, якія пройдуць у Мастах, дапамогуць паглядзець на сітуацыю па-Божаму.
«Узяўшы дзяўчынку за руку, Езус сказаў ёй: „Таліта, кум!“, што значыць: „Дзяўчынка, табе кажу, устань!“»
(пар. Мк 5, 1).
Святы Марк перадае гісторыю пра тое, як Езус вяртае бацькам дванаццацігадовую дзяўчынку, якую яны ўжо страцілі.
Здараецца, што дарослыя — бацькі, настаўнікі, выхаваўцы — губляюць сваіх дзяцей. Падлеткі і моладзь бягуць з дома з-за розных складаных сітуацый у сям’і, з-за непаразуменняў і сварак з бацькамі, з-за канфліктаў з настаўнікамі і аднагодкамі.
Рэкалекцыі для моладзі ад 16 да 30 гадоў, якія дапамогуць па-Божаму падысці да падобных сітуацый, пройдуць пры парафіі Маці Божай Тройчы Цудоўнай у Мастах (Гродзенская дыяцэзія) з 13 па 15 верасня.
Для ўдзельнікаў ёсць магчымасць начлегу ў сем’ях парафіянаў.
Абавязковы запіс па тэлефоне:
+375 (29) 586 39 16 (таксама Viber)
