19 сакавіка, ва ўрачыстасць святога Юзафа, у свірскай парафіі святога Мікалая, біскупа, адкрыецца выстава ў аўтарскім фармаце «Крыжовы шлях» фатографаў Віктара Ведзеня і Дзмітрыя Кульпановіча.
Фотапараект «Крыжовы шлях» у мінулым годзе ўпершыню быў прадстаўлены ў парафіі Найсвяцейшай Тройцы (св. Роха) на Залатой Горцы ў Мінску, дзе падчас Вялікага тыдня традыцыйна адбываліся інсцэніраваныя набажэнствы Крыжовага шляху.
«Правядзеннне аўтарскай фотавыставы ў Свіры — гэта для мяне перадусім магчымасць падзяліцца з вернікамі маёй роднай парафіі перажываннямі Крыжовага шляху, і такім чынам далучыцца да духоўнай падрыхтоўкі да свята», — распавёў Catholic.by Віктар Ведзень.
Наведаць выставу можна з 19 сакавіка да 4 красавіка ў касцёле святога Мікалая, біскупа, па адрасе:
Мядзельскі р-н, г.п. Свір, вул Савецкая, 25.
