5-7 сакавіка пры парафіі Святога Міхала Арханёла ў Навагрудку пройдуць адмысловыя рэкалекцыі, прысвечаныя духоўнаму распазнанню.
Чалавек атрымаў у дар ад Бога свабоду, дзякуючы якой ён можа самастойна рабіць выбар і будаваць сваё жыццё. Аднак, каб выбар быў слушным, чалавек павінен кіравацца сумленнем, шукаць і любіць дабро і праўду, і пазбягаць зла.
Як адзначаюць арганізатары, рэкалекцыі будуць прысвечаны разважанню над наступствамі няправільных маральных выбараў.
У святле Божага слова і малітвы, а таксама беручы прыклад са святых, якія зведвалі спакусы злога духа, але трымаліся Бога, удзельнікі будуць разважаць над тым, як вярнуць або не страціць духоўныя арыенціры.
Запіс па тэлефоне:
+375 (44) 771 99 83
Адрас касцёла:
вуліца Савецкая, дом 2
г. Навагрудак
