У пятніцу 9 кастрычніка ў Стоўбцах будзе ўрачыста адкрыты шпіль на вежы новазбудаванага касцёла святога Казіміра.
23-метровы шпіль будзе ўсталяваны на 22-метровай касцёльнай вежы. Такім чынам, новазбудаваны касцёл святога Казіміра зноў стане самым высокім будынкам у горадзе, як і папярэдняя святыня, знішчаная злачыннымі савецкімі ўладамі ў сярэдзіне 1960-х гадоў.
Адкрыццё і благаслаўленне шпіля здзейсніць Генеральны вікарый Мінска-Магілёўскай архідыяцэзіі біскуп Юрый Касабуцкі.
З гэтай нагоды ён узначаліць цэлебрацыю святой Імшы, якая распачнецца ў 11.00.
Пробашч стаўбцоўскай парафіі святога Казіміра ксёндз канонік Ігар Лашук ад імя ўсіх парафіянаў запрашае ўзяць удзел у супольнай малітве.
Адрас: г. Стоўбцы, вул. Ленінская, 72.
