У нядзелю 13 верасня, напярэдадні свята Узвышэння святога Крыжа, на Мядзельскай Кальварыі пройдзе набажэнства Крыжовага шляху з удзелам Генеральнага вікарыя Мінска-Магілёўскай архідыяцэзіі біскупа Юрыя Касабуцкага.
Праграма ўрачыстасці
- 11.00 — прывітанне перад брамай Кальварыі біскупа Юрыя Касабуцкага;
- 11.15 — набажэнства Крыжовага шляху ў інтэнцыі мірнага вырашэння грамадска-палітычнага крызісу ў Беларусі, а таксама хутчэйшага вяртання на Радзіму да сваёй паствы арцыбіскупа Тадэвуша Кандрусевіча;
- пасля заканчэння неабажэнства — святая Імшы на Гары Крыжоў з удзяленнем сакрамэнту канфірмацыі групе моладзі мядзельскай парафіі.
Айцы кармэліты босыя, якія апякуюцца парафіяй Маці Божай Шкаплернай і Кальварыяй у Мядзелі, ад імя мясцовых вернікаў шчыра запрашаюць усіх ахвотных на супольную малітву.
