У суботу 27 чэрвеня біскуп Гродзенскі Аляксандр Кашкевіч удзеліць прэзбітэрскае пасвячэнне чатыром дыяканам, трое з якіх з’яўляюцца выпускнікамі Вышэйшай духоўнай семінарыі ў Гродне, а адзін належыць да законніцкай супольнасці рэдэмптарыстаў, дзе і праходзіў адпаведную фармацыю.
Як паведамляе партал Grodnensis.by, сакрамэнт пасвячэння ў ступені прэзбітэрату прымуць дыяканы Яўген Амасёнак, Андрэй Струкель, Томаш Мікалайчык i Максім Лабкоў з Кангрэгацыі Найсвяцейшага Адкупіцеля (рэдэмптарысты).
Святая Імша з прэзбітэрскім пасвячэннем адбудзецца ў катэдральнай базыліцы святога Францішка Ксавэрыя ў Гродне і будзе транслявацца анлайн.
Пачатак у 12.00.
Дыякан Яўген Амасёнак нарадзіўся 8 сакавікa 1987 г.
Паходзіць з парафіі св. Андрэя, апостала, у Слоніме.
Дыякан Aндрэй Струкель нарадзіўся 19 лістападa 1993 г.
Паходзіць з парафіі Узвышэння Святога Крыжа ў Лідзе.
Дыякан Томаш Мікалайчык нарадзіўся 1 красавікa 1996 г.
Паходзіць з парафіі Узвышэння Святога Крыжа ў Лідзе.
Дыякан Максім Лабкоў CSsR нарадзіўся 2 жніўня 1988 г.
Паходзіць з парафіі Маці Божай Нястомнай Дапамогі ў Парэччы (дэканат Гродна-Усход).
