17 чэрвеня Генеральны вікарый Гродзенскай дыяцэзіі біскуп Юзаф Станеўскі адзначыць 25-годдзе святарскага пасвячэння.
Сакрамэнт пасвячэння ў ступені прэзбітэрату іерарх прыняў 17 чэрвеня 1995 года з рук біскупа Гродзенскага Аляксандра Кашкевіча.
У гэты дзень пастыр Касцёла на Гродзеншчыне пасвяціў двух першых выпускнікоў Гродзенскай духоўнай семінарыі, двух Юзафаў — Станеўскага і Ганьчыца.
Сёння ксёндз канонік Юзаф Ганьчыц з’яўляецца пробашчам парафіі Святой Сям’і ў Лідзе.
У інтэнцыі падзякі Богу за дар святарства біскуп Юзаф Станеўскі будзе цэлебраваць святыя Імшы ў Гродне і ў сваёй роднай парафіі ў Заневічах.
- 17 чэрвеня ў 12.00 — св. Імша ў Гродзенскай катэдральнай базыліцы св. Францішка Ксавэрыя
- 21 чэрвеня ў 10.30 — св. Імша ў касцёле Найсвяцейшага Сэрца Пана Езуса і св. Язафата ў Заневічах
Юбіляр шчыра запрашае да супольнай малітвы.
