Пошук


07.11.2019 15:27   Catholic.by

Традыцыйная фармацыйная сустрэча маладых святароў (да 5 гадоў святарства ўключна) з Мінска-Магілёўскай архідыяцэзіі, Віцебскай і Пінскай дыяцэзій адбудзецца з 18 па 20 лістапада ў Вышэйшай духоўнай семінарыі ў Пінску.

Пачатак сустрэчы 18 лістапада ў 18.00, заканчэнне — 20 лістапада ў 19.00.

Як паведамілі арганізатары фармацыйных сустрэч, на гэты раз маладыя святары змогуць перажыць мерапрыемства крыху ў новым фармаце з цікавымі дакладчыкамі і дасведчанымі практыкамі. Гэта звязана, між іншым, з тэмай сустрэчы: «Дыялог з Богам, дыялог у сям’і».

Такая тэматыка была выбрана невыпадкова, бо менавіта справа духоўнага суправаджэння сем’яў у складаных грамадскіх умовах сучаснасці — сур’ёзны выклік для Касцёла і святара ў нашыя дні.

Сабраныя святары змогуць непасрэдна сустрэцца з прадстаўнікамі разнастайных сямейных рухаў, абмеркаваць з імі радасці і клопаты духоўнай працы з сужэнцамі і сем’ямі.

Больш падрабязную інфармацыю пра сустрэчу можна атрымаць у святароў, адказных за фармацыю маладых душпастыраў у дыяцэзіях, або ў рэктараце духоўнай семінарыі ў Пінску.

Абноўлена 07.11.2019 16:03
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа