Пошук


06.08.2019 08:08   Паводле: Ірына Шнітоўская / naracz.by

Касцёл у Кабыльніку на старой паштоўцы. 1916 г. / naracz.by

Да 585-годдзя пабудовы ў Кабыльніку (сёння — вёска Нарач) першага драўлянага касцёла і 115-годдзя кансэкрацыі цяперашняй святыні ў нарачанскай парафіі святога Андрэя, апостала, праводзіцца конкурс відэаролікаў «Гісторыя нарачанскай парафіі вачыма вернікаў».

Што трэба зрабіць, каб стаць удзельнікам конкурсу?

Напэўна, у кожнага з вас ёсць прабабулі, прадзядулі, бабулі, дзядулі, мамы, таты, суседзі і знаёмыя, якія могуць штосьці расказаць пра гісторыю нарачанскай парафіі, асабліва пра даўнейшыя часы.

Бярыце хутчэй у рукі камеру ці смартфон і здымайце гэтых людзей! Няхай яны раскажуць, чым і як жыла наша парафія раней.

Магчыма, вам удасца даведацца пра невядомыя факты з жыцця нарачанскай парафіі.

На конкурс прымаюцца відэаролікі працягласцю 1–2 хвіліны. На пачатку роліка той, каго здымаюць, павінен сказаць сваё прозвішча, імя і месца жыхарства. У роліку трэба асвятліць пэўны эпізод, звязаны з гісторыяй касцёла ці парафіі.

Гатовы відэаролік неабходна даслаць на вайбер:

+375 (29) 552 79 16 — Ірына Антонаўна Шнітоўская

Конкурсныя работы прымаюцца да 15 жніўня. Пасля яны будуць размешчаны на парафіяльным сайце для прагляду.

18 жніўня ўсе ўдзельнікі конкурсу атрымаюць прызы з рук арцыбіскупа Тадэвуша Кандрусевіча.

За тры самыя цікавыя, пазнавальныя і крэатыўныя ролікі пераможцы конкурсу атрымаюць суперпрызы.

Абноўлена 06.08.2019 08:12
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця