Цяпер, калі ёсць магчымасць афіцыйна арганізоўваць пілігрымкі ў Меджугор’е, ваўкавыская парафія запрашае наведаць гэтае месца асаблівага ўшанавання Маці Божай з 19 па 25 жніўня.
Праграма пілігрымкі, якую ў якасці адказнага арганізуе кс. канонік Алег Дуль, пробашч парафіі св. Станіславa Косткі ў Ваўкавыску, разлічана на тыдзень.
Па дарозе пілігрымы наведаюць сталіцу Венгрыі Будапешт — горад моцнай каталіцкай традыцыі з прыгожымі старадаўнімі святынямі. Акрамя духоўнай праграмы ў Меджугор’і, што знаходзіцца на тэрыторыі Босніі і Герцагавіны, удзельнікі пілігрымкі ўбачаць сярэднявечныя гарады Мостар і Дуброўнік, а таксама антычны Спліт у Харватыі.
ПРАГРАМА ПІЛІГРЫМКІ Ў МЕДЖУГОР’Е (19–25 жніўня 2019 г.)
1-ы дзень
- збор і выезд з Ваўкавыска
- перасячэнне мяжы
- начны пераезд у Будапешт (Венгрыя)
2-і дзень
- экскурсія па Будапешце з гідам (Стары горад, базыліка св. Стэфана, плошча Героеў, гара Гелерт з помнікам Свабоды)
- прыезд на начлег
- абед – вячэра
- начлег
3-і дзень
- снеданне
- праезд у Мостар (Боснія і Герцагавіна), наведванне сярэднявечнага горада са славутым каменным мостам
- праезд у Меджугор’е (Боснія і Герцагавіна)
- святая Імша, малітва, узыходжанне на гару Маці Божай
- абед – вячэра
- начлег
4-ы дзень
- снеданне
- знаходжанне ў Меджугор’і — месцы асаблівага ўшанавання Найсвяцейшай Панны Марыі
- абед – вячэра
- начлег
5-ы дзень
- снеданне
- святая Імша
- праезд у Дуброўнік (узбярэжжа Адрыятычнага мора, Харватыя)
- экскурсія па горадзе (Стары горад з брамай Піле, вуліца Страдун, манумент Арланда, палац Рэктара, катэдра)
- праезд на начлег
- знаходжанне на моры
- абед – вячэра
- начлег
6-ы дзень
- снеданне
- знаходжанне на моры
- праезд у горад Спліт
- экскурсія па горадзе (Стары горад, палац імператара Дыяклетыяна, катэдра)
7-ы дзень
- вяртанне ў Ваўкавыск
Кошт пілігрымкі складае суму, эквівалентную 310 еўра па курсе Нацыянальнага банка Рэспублікі Беларусь. У кошт уваходзіць: 4 начлегі, 4 снедання, 4 абеда – вячэры, паслугі гіда і ўваходныя квіткі, праезд аўтобусам турыстычнага класа. У кошт не ўваходзіць сума консульскага збору для атрымання візы.
Дадатковая інфармацыя і запіс па тэлефоне:
+375 (29) 313 65 64 — кс. Алег Дуль
