Святы Айцец заклапочаны лёсам насельніцтва Сірыі |
Святы Айцец |
07.02.2016 20:55 |
Папа Францішак выказаў сваю «глыбокую заклапочанасць» драматычным лёсам грамадзянскага насельніцтва, якое пакутае ад цяжкіх баёў у Сірыі і вымушана ўцякаць, каб пазбегнуць жахаў вайны. 7 лютага падчас сустрэчы з вернікамі на малітве «Анёл Панскі» ў Ватыкане Пантыфік паўтарыў сваё неаднаразова выказанае спадзяванне, што сірыйскі народ адчуе «шчодрую салідарнасць» і неабходную дапамогу міжнароднай супольнасці ў «забеспячэнні выжывання і годнасці». Святы Айцец заклікаў да тэрміновых намаганняў па арганізацыі перамоў паміж бакамі. (AG) |