Фота Аўдыё Відэа  
be  ru  pl  en  de info@catholic.by
Паведамленне з 48-га Пленарнага пасяджэння Канферэнцыі Каталіцкіх Біскупаў у Беларусі

Паведамленне з 48-га Пленарнага пасяджэння Канферэнцыі Каталіцкіх Біскупаў у Беларусі, якое адбылося 12 лістапада 2011 г. у Сакратарыяце ККББ у Мінску па вул. Кальцова, 153.

У пленарным пасяджэнні ўдзельнічалі ўсе члены ККББ, а таксама Апостальскі Візітатар для грэка-католікаў у Беларусі архімандрыт Сяргей Гаек.

1. На пачатку пасяджэння старшыня ККББ ад імя ўсіх прысутных прывітаў арцыбіскупа Клаўдыё Гуджэроцці, Апостальскага нунцыя ў Беларусі, які як новапрызначаны нунцый на гэтай пасадзе ўпершыню прысутнічаў на пасяджэнні.

2. Арцыбіскуп Клаўдыё Гуджэроцці падзякаваў за запрашэнне і выказаў сваё жаданне садзейнічаць у захаванні адносінаў узаемапавагі і салідарнай дапамогі тым, з кім прызначыў яго супрацоўнічаць Святы Айцец дзеля пашырэння Добрай Навіны ў сэрцах людзей, якія жывуць Богам альбо шукаюць шляхі да Яго.

3. Сабраныя зацвердзілі на пасаду часова выконваючага абавязкі Прэс-сакратара ККББ кс. Юрыя Санько, які ў цеснай лучнасці з арцыбіскупам Тадэвушам Кандрусевічам, адказным за СМІ пры ККББ, атрымаў заданне своечасова прадстаўляць асабліва важную інфармацыю ад ККББ.

4. Сабраныя абмеркавалі магчымасці і формы сустрэч з прадстаўнікамі юдаізму, якія пражываюць на тэрыторыі Беларусі, з мэтай падтрымання дыялога з вызнаўцамі гэтай рэлігіі.

5. Была зацверджана назва новага душпастырскага года: «Новая Евангелізацыя як уводзіны ў Год Веры».

6. Напрыканцы сустрэчы сабраныя прывіталі кардынала Курта Коха, старшыню Папскай рады спрыяння хрысціянскаму адзінству, які прыбыў у Мінск на канферэнцыю, прысвечаную праваслаўна-каталіцкаму дыялогу. У прамове кардынал падзякаваў за магчымасць сустрэцца з біскупамі ў будынку Сакратарыята ККББ і за супольную малітву ў мясцовай капліцы. Іерарх распавёў пра сваё біскупскае служэнне ў Швейцарыі, а таксама на пасадзе старшыні Папскай рады спрыяння хрысціянскаму адзінству, пра ініцыятывы гэтай Рады і кантакты з лакальнамі касцёламі, пра кірункі дыялога з прадстаўнікамі іншых рэлігій. Сабраныя прадставілі свой вопыт і меркаванні ў адносінах з прадстаўнікамі іншых канфесій і іншых рэлігій у нашай краіне.

7. Сабраныя прызначылі святара-дэлегата на Эўхарыстычны кангрэс, які пройдзе ў Дубліне.

Біскуп Антоні Дзям’янка
Генеральны Cакратар
Канферэнцыі Каталіцкіх
Біскупаў у Беларусі

Адноўлена 15.11.2011 13:06
 

Пры выкарыстанні матэрыялаў сайта спасылка на Catholic.By абавязкова.

Дакументы Канферэнцыі Каталіцкіх Біскупаў Беларусі

02.03 16:36Паведамленне з 64-га пленарнага (пазачарговага) пасяджэння Канферэнцыі Каталіцкіх Біскупаў у Беларусі
12.10 17:58Паведамленне з 63-га пленарнага пасяджэння Канферэнцыі Каталіцкіх Біскупаў у Беларусі
05.07 18:11Паведамленне Старшыні ККББ наконт правядзення Брацтвам св. Пія Х рэкалекцый па метадзе св. Ігнацыя Лаёлы
24.05 15:07Зварот Каталіцкіх Біскупаў Беларусі аб правядзенні Дня перапрашэння (+Набажэнства перапрашэння)
04.02 22:01Паведамленне з 61-га пленарнага пасяджэння Канферэнцыі Каталіцкіх Біскупаў у Беларусі
30.11 14:26Паведамленне ККББ аб правядзенні Дня малітвы за тых, хто дапамагае Касцёлу на Усходзе
21.11 15:49Паведамленне Старшынi Канферэнцыi Каталiцкiх Бiскупаў у Беларусi аб Імшы развітання з арцыбіскупам Клаўдыё Гуджэроцці
28.10 16:38Паведамленне з 60-га пленарнага пасяджэння Канферэнцыі Каталіцкіх Біскупаў у Беларусі
03.06 17:02Паведамленне з 59-га пленарнага пасяджэння Канферэнцыі Каталіцкіх Біскупаў у Беларусі
05.12 18:34Паведамленне з 58-га пленарнага пасяджэння Канферэнцыі Каталіцкіх Біскупаў у Беларусі