Пра важныя падзеі ў гісторыі Касцёла, якія прыпадаюць на наступным тыдні, можна даведацца з аўтарскага матэрыялу дырэктара парталу Catholic.by кс. Аляксандра Уласа.
13 кастрычніка
- 1307 — па распараджэнні караля Францыі Філіпа IV Прыгожага і папы Клімэнта V была захоплена ўся маёмасць Ордэна тампліераў, а большасць рыцараў былі арыштаваны
- 1534 — кардынал Алесандро Фарнэзэ быў абраны папам і прыняў імя Павел III
- 1536 – У Англіі выбухнула рэлігійна-вызваленчае паўстанне (так званая «пілігрымка міласці») супраць роспуску і разбурэння каталіцкіх манастыроў камісарамі, якія дзейнічалі паводле загаду Генрыха VIII, што таксама стала вынікам незадаволенасці насельніцтва, пераважна сялянскага, расколам у каталіцкім Касцёле, учыненым каралём і стварэннем англіканскай супольнасці
- 1582 — у сувязі з увядзеннем 4 кастрычніка Грыгарыянскага календара, датаў з 5 па 14 кастрычніка не было ў Францыі, Іспаніі, Італіі, Партугаліі і на нашых землях — у Рэчы Паспалітай
- 1847 — нарадзіўся Эдвард Вайніловіч, гаспадарчы і палітычны дзеяч Беларусі і Расійскай імперыі (памёр 16 чэрвеня 1928 г.)
- 1917 — у партугальскай Фаціме адбылося апошняе аб’яўленне Маці Божай і «цуд Сонца»
- 1958 — пахаванне папы Пія XII адбылося ў Ватыкане.
- 1999 — створана Віцебская дыяцэзія
14 кастрычніка
- 1966 — канадскія каталіцкія біскупы дазволілі канадскім католікам есці мяса па пятніцах
- 2018 — папа Францішак кананізаваў сем благаслаўлёных, у тым ліку свайго папярэдніка Паўла VI і арцыбіскупа мучаніка Оскара Рамэра
15 кастрычніка
- 1389 — памёр папа Урбан VI (нарадзіўся каля 1318)
- 1432 — Каралеўства Польскае і Вялікае Княства Літоўскае заключылі Гарадзенскую унію, што стала адным з актаў Польска-Літоўскага саюзу
- 1880 — праз 632 гады пасля закладкі першага каменя завершана будаўніцтва славутай кёльнскай катэдры
- 1917 — папа Бэнэдыкт XV заснаваў Папскі Усходні інстытут
- 2011 — у Маскве быў адкрыты першы помнік Яну Паўлу II у Расіі
16 кастрычніка
- 1591 — памёр папа Грыгорый XIV, Папа (нарадзіўся ў 1535 г.)
- 1978 — польскі кардынал Караль Вайтыла абраны папам з імем Ян Павел ІІ; упершыню з 1523 года папам стаў неітальянец
- 1979 — Ян Павел II апублікаваў паслясінадальную адхартацыю Catechesi Tradendae на тэму катэхізацыі ў Касцёле
17 кастрычніка
- 532 — памёр папа Баніфацый II
- 535 — памёр папа Ян II
- 1404 — папам стаў, Інацэнт VII
- 1483 — папа Сікст IV стварае сумнавядомую іспанскую інквізіцыю
- 1912 — нарадзіўся папа Ян Павел I
- 1926 — папа Пій XI беатыфікаваў 191 мучаніка, забітага падчас французскай рэвалюцыі
18 кастрычніка
- 707 — памёр папа Ян VII
- 1009 – разбурэнне святыни Гробу Пана «шалёным халіфам» Аль-Хакімам
- 1405 — нарадзіўся папа Пій II
- 1417 — памёр папа Грыгорый XII
- 1503 — памёр папа Пій III
19 кастрычніка
- 1984 — быў забіты ксёндз Ежы Папялушка, польскі каталіцкі святар, душпастыр прафсаюзу «Салідарнасць»
- 2003 — папа Ян Павел II далучыў да ліку благаслаўлёных маці Тэрэзу з Калькуты
- 2014 — папа Францішак далучыў да ліку благаслаўлёных папу Паўла VI (кананізаваны ў 2018 г.)
