Пошук


13.07.2018 14:18   Паводле: Vatican News / Пераклад і адаптацыя: Мікола Гракаў / Catholic.by
© Vatican Media

11 ліпены, у пік турыстычнага сезона, у Рыме зноў стаў даступным для наведванняў археалагічны комплекс у манаскім садзе пры базыліцы св. Паўла за Мурамі. Цяпер яго можна ўбачыць у адноўленым выглядзе.

Экспазіцыя дае магчымасць пілігрымам і турыстам занурыцца ў рымскае Сярэднявечча. Гэты культурны аб’ект з’явіўся на турыстычнай мапе Вечнага горада пяць гадоў таму, а новае афармленне помніка археалогіі ў музейным плане больш дасканалае і выканана з выкарыстаннем сучасных тэхналогій ілюмінацыі.

© museivaticani.va
Адкрытыя археолагамі памяшканні ўяўляюць сабой шчыльную жылую забудову, якая ў другой палове ІХ стагоддзя магла бачыць з’яўленне так званага «Янапаліса», ад імені яго заснавальніка папы Яна VIII. Сярод мармуровых фрагментаў былі знойдзены часткі саркафагаў, а рэшткі найстарэйшай з выяўленых падчас раскопак пабудовы, якая датуецца канцом V – пачаткам VI стагоддзя, магчыма, з’яўляюцца адным з «дамоў для бедных», пабудаваных па распараджэнні папы Сімаха.

Праект музеіфікацыі археалагічнага комплекса і яго аднаўлення быў рэалізаваны Адміністрацыяй Папскіх базылік у супрацоўніцтве з аддзеламі хрысціянскіх старажытнасцяў і рэстаўрацыі Ватыканскіх музеяў, Папскім інстытутам хрысціянскай археалогіі, Вышэйшай школай архітэктурнага мастацтва і ўніверсітэтам «Ла Сап’енца». У выніку была завершана рэстаўрацыя і расчыстка старажытных муроў, праведзены рамонт падлогаў, сценаў і столяў, пашырана база даведачных матэрыялаў.

Унікальны археалагічны аб’ект прыцягвае ўвагу гісторыкаў, пілігрымаў і турыстаў з усяго свету.

Абноўлена 13.07.2018 14:19
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця