Прэм’ер-міністр Венгрыі Віктар Орбан заклікаў захаваць хрысціянскую ідэнтычнасць, адзначаючы праблемы масавай міграцыі мусульманскага насельніцтва ў Еўропу.
«Змрочныя прадказанні гучалі заўсёды, аднак што турбуе зараз — гэта тое, што яны заснаваныя на матэматыцы, на лічбах, зменах, якія можна падлічыць», — сказаў прэм’ер, выступаючы са штогадовым зваротам да грамадзян.
Як вынікае з аналізy лічбаў, тэмпы міграцыі ў еўрапейскія краіны на захад ад Венгрыі будуць расці, пры гэтым скарачаецца нараджальнасць мясцовага насельніцтва, як, напрыклад, у Германіі, адзначыў Орбан.
«Калі ўсё будзе працягвацца так, як адбываецца зараз, у буйнейшых гарадах Еўропы сфармуецца мусульманская большасць. Наша культура, наша ідэнтычнасць і нашыя нацыі перастануць існаваць. Магчыма, маюць рацыю тыя, хто кажа, што ніхто спецыяльна не забівае цывілізацыі, яны гінуць у выніку суіцыду», — заявіў палітык.
Такім чынам «гібель Еўропы» можа адбыцца ўжо ў 2050-х гадах — гэты працэс змогуць убачыць нават сённяшнія 50-60-гадовыя людзі на свае вочы, не кажучы ўжо пра іх дзяцей і ўнукаў.
«Мы антыкамуністы і патрыёты, мы зацята любім Венгрыю і гатовыя зрабіць для яе ўсё», — заключыў Орбан, дадаўшы, што настроі ў Еўропе паступова змяняюцца ў бок большай увагі да абароны межаў хрысціянскага кантынентa.
