Сталі вядомыя падрабязнасці правядзення рэгіянальнай сустрэчы моладзі Тэзэ ў Львове. Міжнародная сустрэча для моладзі Усходняй Еўропы адбудзецца з 27 красавіка па 1 мая.
Начлег для удзельнікаў, як чакаецца, будзе забяспечаны сем’ямі мясцовых вернікаў.
Для ўдзельнікаў прадугледжаны ўдзел у малых групах, арганізаваных у цэнтры горада, малітве ў лакальных супольнасцях, экуменічным набажэнстве і супольных пасілках.
Пасля абеду яны змогуць прымаць удзел у тэматычных майстар-класах: мастацтва, культура, гісторыя, вера, духоўнасць, дыялог, грамадства і салідарнасць.
Сустрэча разлічана на моладзь ва ўзросце 18–35 гадоў. Кошт удзелу ў сустрэчы складзе каля 30-35 еўра, але для тых, хто будзе рэгістравацца пасля 27 сакавіка, сума павялічыцца на 15 працэнтаў.
Таксама ёсць магчымасць дапамагаць у абслугоўванні сустрэчы і стаць валанцёрам. Валанцёры павінны будуць прыбыць у Львоў на дзень раней — 26 красавіка з 9.00 да 16.00.
Дбаючы пра моладзь 15–16 гадоў, а таксама пра сем’і з дзецьмі і асобаў, старэйшых за 35 гадоў, супольнасць Тэзэ прапануе форму аднадзённага ўдзелу ў сустрэчы.
Удзел у аднадзённай праграме магчымы ў суботу 28 красавіка, у нядзелю 29 красавіка або ў панядзелак 30 красавіка. Удзел для такіх катэгорый пілігрымаў будзе вядомы пазней. Важна загадзя падаць заяўку на ўдзел.
Як інфармуюць арганізатары, у такім выпадку будзе дастаткова заявіць аднаго адказнага за такую групу.
У іншых рэгіёнах Украіны ў гэты перыяд будуць праходзіць малітвы за мір. Да пачатку красавіка будзе дзейнічаць электронная рэгістрацыя на ўдзел у сустрэчы Тэзэ ў Львове.
