Выявіць месца, дзе Езус Хрыстус прымаў хрост, вучоным дапамагла мазаіка на падлозе ў святыні св. Георгія, якая знаходзіцца ў іярданскім горадзе Мадала.
Гэта мазаічная выява памерам 15х6 метраў датуецца VI стагоддзем н.э. і ўяўляе сабой дакладную карту Святой Зямлі, якая цудоўна захавалася, з указаннем на ёй усіх хрысціянскіх святыняў.
Мяркуючы па карце, месца хросту Хрыста ў рацэ Ярдан знаходзіцца не на тэрыторыі Ізраіля, а на супрацьлеглым баку гэтай ракі, на тэрыторыі сучаснай Іярданіі ў мястэчку Вадзі эль-Харар.
Аднак, як адзначаецца, вады там даўно няма, бо за дзве тысячы гадоў Ярдан змяніў сваё рэчышча пры ўпадзенні ў Мёртвае мора і цяпер цячэ на некалькі дзясяткаў метраў бліжэй да Ізраіля.
Каб пацвердзіць або абвергнуць гэту «падказку» на мазаічнай карце, археолагі ў 1996 годзе правялі раскопкі. У выніку былі знойдзены руіны трох візантыйскіх цэркваў, а галоўнае — мармуровая фундамент-пліта, на якой, як мяркуюць вучоныя, стаяла калона з крыжам, усталяваная ў часы ранняга хрысціянства на месцы Хросту Пана.
Якраз гэта калона часта згадваецца ў пісьмовых сведчаннях пілігрымаў візантыйскай эпохі.
