Пошук


02.01.2018 13:52   credo.pro

У красавіку 2018 г. у Львове пройдзе рэгіянальная сустрэча моладзі, якую арганізуе экуменічная супольнасць Тэзэ. Пра гэта 30 снежня паведаміў кіраўнік супольнасці Тэзэ брат Алоіс падчас Еўрапейскай сустрэчы моладзі ў Базэлі.

«Сустрэча пройдзе ў краіне, якая вельмі дарагая нашым сэрцам. У ёй мы яшчэ ніколі не праводзілі такой сустрэчы. У Базэлі прысутнічае 2800 маладых людзей, якія прыехалі з Украіны. Ва ўкраінскім Львове з 28 красавіка па 1 мая пройдзе рэгіянальная сустрэча Тэзэ», — сказаў брат Алоіс.

Як распавёў CREDO брат Бенуа, мерапрыемства пройдзе з благаслаўлення галоўных кананічных Цэркваў і пры садзейнічанні мясцовай улады Львова.

Юбілейная, 40-я пілігрымка даверу на зямлі, арганізаваная супольнасцю Тэзэ, праходзіла ў Базэлі, на мяжы трох краін — Швейцарыі, Германіі і Францыі. У ёй удзельнічала каля 20 тысяч маладых людзей з розных краін свету.

Абноўлена 03.01.2018 11:58
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа