Упраўленне месцаў зняволення Латвіі паведаміла пра тры вакансіі турэмных капеланаў — у Валміерскай турме, у Цесіскай выхаваўчай установе для непаўналетніх і ў Рыжскай турме Браса.
Як было адзначана ў інфармацыйным цэнтры Рыма-Каталіцкага Касцёла ў Латвіі, за працу турэмнаму капелану абяцаюць плаціць каля 600 еўра.
У турмах, як паведамілі ў каталіцкім інфармацыйным цэнтры, знаходзіцца мноства католікаў, прадстаўнікоў іншых канфесій і атэістаў.
«Праца капелана псіхалагічна скаладаная — па восем гадзін у дзень, часам трэба працаваць і па выхадных, — патлумачылі ва Упраўленні месцаў зняволення. — Капеланы размаўляюць са зняволенымі, у тым ліку і з тымі, хто адбывае пажыццёвы тэрмін, кансультуюць, слухаюць споведзі. Гэта не проста сустрэча, а паглыбленая праца капелана».
Паводле даных Міністэрства юстыцыі Латвіі, у 2016 годзе ў рэгістры налічвалася 36 капеланаў.
