Лацінская Амерыка стала тэмай новай кнігі папы Францішка. Яна пабачыла свет дзякуючы сумеснай працы Пантыфіка з карэспандэнтам агенцтва Télam у Рыме і Ватыкане.
Télam — буйнейшае інфармацыйнае агенцтва Аргенціны.
Кніга Latinoamérica. Conversaciones con Hernán Reyes Alcalde (Лацінская Амерыка. Размовы з Хернанам Рэесам Алкальдэ) была напісана падчас размоў у Доме св. Марты ў Ватыкане і з’явіцца ў продажы ў аргенцінскіх кнігарнях ужо 30 кастрычніка.
Падчас сустрэч з журналістам Пантыфік дзяліўся сваімі думкамі на розныя тэмы, якія датычаць лацінаамерыканскага кантынента. Святы Айцец згадваў Канферэнцыю Біскупаў Лацінскай Амерыкі і Карыбскага мора, сітуацыю ў турмах, ролю жанчын, палітыкаў рэгіёну і г.д.
Гэта першая кніга папы Францішка, напісаная ў супрацоўніцтве з журналістам не з Еўропы.
