15 жніўня, ва ўрачыстасць Унебаўзяцця Найсвяцейшай Панны Марыі, рымская Супольнасць святога Эгідзія арганізавала святочны абед для бедных, а 16 жніўня – вялікі фестываль кавуноў. Гэта толькі дзве з многіх ініцыятыў салідарнасці ў гэты час летніх адпачынкаў.
Паўсюль у Італіі, дзе ёсць ячэйкі Супольнасці святога Эгідзія, ажыццяўляюцца акцыі салідарнасці з патрабуючымі. У Рыме адкрыта новая сталовая на вуліцы Дандола, валанцёры працягваюць раздаваць вячэры ў цэнтры і на ўскраіне сталіцы – у месцах, дзе жывуць бяздомныя. У гэты перыяд тысячы людзей з усёй Італіі выказалі жаданне правесці свой водпуск у якасці валанцёраў у супольнасці Рыма і іншых гарадоў; у гэтыя асабліва спякотныя дні яны дапамагаюць бедным.
Летам Супольнасць святога Эгідзія ахоплівае асаблівым клопатам пажылых людзей, якія застаюцца ў адзіноце ў сваіх кватэрах. Прыкладам гэтаму служыць праграма «Няхай жывуць старыя!», якая ставіць у цэнтр увагі тых, каму за 80.
Ва ўрачыстасць Унебаўзяцця Найсвяцейшай Панны Марыі рымская Супольнасць святога Эгідзія арганізуе таксама свята салідарнасці з імігрантамі – з «новымі еўрапейцамі», бежанцамі, якія прыбылі праз гуманітарныя калідоры, з цыганскімі сем’ямі. Свята дапамагае пераадолець іх адзіноту і паказвае сапраўдны твар Італіі, якая не забываецца пра бедных.
