Фота Reuters
Ні адна іншая рэлігія ў свеце не дыскрымінуецца так, як хрысціянства. Гэта вынікі новага даследавання цэнтра даследаванняў Pew Research, праведзенага ў 2015 годзе.
Хрысціянскія супольнасці знаходзяцца ў няпростых умовах перадусім у мусульманскіх краінах на Блізкім і Сярэднім Усходзе, а таксама ў Паўночнай Афрыцы.
Дыскрымінацыя хрысціян адзначана ў 128 краінах свету. Пры гэтым хрысціяне з’яўляюцца найбольшай рэлігійнай групай у свеце (амаль 2, 3 мільярда вернікаў). Дыскрымінацыя назіраецца не толькі ў тых краінах, дзе хрысціянства з’яўляецца рэлігійнай меншасцю, але і ў такіх краінах, як Нікарагуа, дзе 60 працэнтаў насельніцтва — католікі.
