Пошук

20.06.2017 08:37  

Адна з буйнейшых мячэцяў у сталіцы Аб’яднаных Арабскіх Эміратаў, горадзе Абу-Дабі, па рашэнні ўладаў краіны перайменавана ў гонар Божай Маці.

Гэтае рашэнне, як паведаміла дзяржаўны міністр талерантнасці ААЭ Любна аль-Касімі, было прынята асабіста наследным прынцам Абу-Дабі Мухамедам бэн Заідам Аль Нахайянам.

Раней вядомая як «Мячэць шэйха Мухамеда бэн Заіда» цяпер называецца «Мячэццю Марыі, Маці Езуса». Па словах аль-Касімі, як піша газета Gulf News, наданне новага тытулу славутай мячэці, змешчанай у адным з цэнтральных кварталаў горада, мае на мэце «аб’яднанне гуманістычных намераў паслядоўнікаў розных рэлігій».

Дзяржміністр дадала, што гэтае рашэнне ідзе ў ключы агульнай сацыяльнай палітыкі краіны, накіраванай на мірнае суіснаванне розных канфесій.

Божая Маці паўсюдна ўшаноўваецца мусульманамі як зямная Маці Езуса, у той час як сам Езус Хрыстус лічыцца мусульманамі адным з самых вялікіх ісламскіх прарокаў.

(tass.ru/vgr)

Абноўлена 11.07.2017 23:50
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа