Вялікі пост, які сёлета распачаўся 14 лютага, непарыўна звязаны не толькі з практыкамі ўстрымання, малітвы і міласціны, але таксама з набажэнствамі на ўшанаванне Мукі Пана, найбольш папулярным з якіх з’яўляецца Крыжовы шлях.
У Ерузалеме ўзнікла традыцыя праходзіць па месцах, звязаных з мукай Езуса Хрыста, нашага Збаўцы, каб разважаць Яго крыжовы шлях на Кальварыю. З часам ва ўсім Касцёле пачалі ўзводзіць т. зв. «стацыі» мукі Пана. Вернікі, асабліва ў перыяд Вялікага посту, ідуць ад стацыі да стацыі, разважаючы пра цярпенні Збаўцы.
Калі набажэнства Песень жальбы з’яўляецца мясцовай традыцыяй, то Крыжовы шлях распаўсюджаны ва ўсім свеце.
Дзякуючы фотарэпартажам, апублікаваным у сеціве, мы маем магчымасць параўнаць тое, як выглядае гэтае набажэнства ў нашых касцёлах, з тым, як яно праходзіць у іншых частках свету, у прыватнасці ў Камеруне, Пакістане і Паўднёва-Афрыканскай Рэспубліцы. Фотагалерэі з гэтых краін былі апублікаваныя на партале законніцкай супольнасці Місіянераў Аблатаў Oblaci.pl.
Браслаў (фота: Waladarka.by)
Мёры (фота: Кascelmery.by – Караліна Рубанік, Анастасія Пугаўка)
Камерун (фота: OMI Cameroun)
Пакістан (фота Oblates.pk)
Паўднёва-Афрыканская Рэспубліка (фота: St Joseph’s Oblate Scholasticate – Cedara R.S.A)
