10 снежня у капліцы кляштара айцоў францішканаў у Маскве прайшла святая Імша для беларусаў-католікоў Масквы і Маскоўскай вобласці.
Цэлебрацыю святой Імшы ўзначаліў душпастыр беларусаў Масквы айцец Пётр Карнялюк OFMConv.
У гаміліі святар засяродзіўся на асобе святога Яна Хрысціцеля і яго місіі.
«У трыццаць гадоў Святы Ян, падпарадкоўваючыся пакліканню, адправіўся на раку Ярдан прапаведаваць чаканне Збаўцы. Сэнс ягоных пропаведзяў быў у духоўнай падрыхтоўцы да хросту вадой і Святым Духам»,
— заўважыў айцец Пётр.
Паводле яго, Божае слова робіць нагадвае людзям, што кожны дзень — гэта новы пачатак добрай весткі.
«Евангелле паказвае нам, што слова Пана — гэта не вяртанне да мінулага, якое было больш за два стагоддзі таму; гэта пра нашу будучыню, якая можа быць звязана толькі з Хрыстом — Месіяй і ў мінулым, і ў сённяшнія дзень і гадзіну»,
— дадаў айцец Пётр.
Пасля святой Імшы вернікі сабраліся ў францішканскім цэнтры на аплаткавую сустрэчу.
Душпастыр беларусаў нагадаў прысутным, што 800 гадоў таму ў Грэча святы Францішак стварыў першую батлейку. З гэтай нагоды з 8 снежня 2023 года па 2 лютага 2024 ва ўсіх касцёлах, якімі апякуюцца францішкане, у тым ліку і ў маскоўскім кляштары францішканаў, можна атрымаць поўны адпуст па рашэнні Папы Францішка.
