Пошук

31.05.2021 10:22   Тэкст: а. Аляксей М. Юхневіч OFMConv / Фота: бр. Войцех Каспровіч OFMConv / Catholic.by

29 мая ў санктуарыі святога Антонія Падуанскага ў Лодзі-Лагеўніках (Польшча) брат Віктар Марыя Мялешка OFMConv, беларус, разам з іншымі братамі францішканскай Правінцыі Маці Божай Беззаганнай прыняў сакрамэнт пасвячэння ў ступені прэзбітэрату.

Святарскія і дыяканскія пасвячэнні братам удзяліў дапаможны біскуп Лодзкай архідыяцэзіі біскуп Ірыней Пэнкальскі. Правінцыя францішканскага Ордэну папоўнілася трыма новымі святарамі і чатырма дыяканамі.

Айцец Віктар Марыя Мялешка OFMConv нарадзіўся ў Гродне, паходзіць з гродзенскай францішканскай парафіі Маці Божай Анёльскай. Пасля заканчэння сярэдняй школы Віктар распачаў фармацыю ў Ордэне Братоў Меншых Канвентуальных, дзе пасля дзевяці гадоў фармацыі прыняў святарскае пасвячэнне.

Айцец Віктар Мялешка OFMConv неўзабаве вернецца ў Беларусі, каб на радзіме служыць Богу і людзям у духу харызмы святога Францішка Асізскага.

Сабраты новапрэзбітэра запрашаюць ахінуць малітвай святарскае і манаскае жыццё маладога францішканіна.

 

Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа