Пошук


06.04.2017 14:32  

«Хрысціянства яшчэ шмат чаго можа даць Еўропе», — адзначыў пасля гістарычнага візіту лідараў Еўрапейскага Саюза ў Ватыкан прэзідэнт Еўрапейскага парламента ў сваім артыкуле, напісаным для італьянскага каталіцкага агенцтва SIR.

Папа Францішак сваім выступам здзівіў тых, хто чакаў або спадзяваўся, што ён згадае іх у сваёй прамове, заўважыў Антоніа Таяні.

«Ён зрабіў куды больш, — напісаў прэзідэнт Еўрапарламента. — Папа хацеў, каб быў дакладна пачуты яго голас пра ідэнтычнасць Еўропы: мы не з’яўляемся, не можам і не павінны быць проста “наборам прынцыпаў, пратаколаў і працэдураў, якіх неабходна трымацца”».

Таяні падкрэсліў, што падчас прамовы Святога Айца ён падумаў пра дзве каштоўнасці, на якіх пабудавана наша цывілізацыя і якія хрысціянства на працягу стагоддзяў узмацняла, абараняла і перадавала: свабоду і месца чалавека ў цэнтры дзеянняў і законаў.

 У сваіх разважаннях італьянскі палітык таксама спаслаўся на суботні візіт Папы ў Мілан: «Пасланне, з якім звяртаецца Пантыфік, — гэта не толькі пытанні веры, яно датычыць усіх, хто належыць да іншых рэлігій. Пра гэта сведчыць сустрэча з мусульманскай сям’ёй. Дыялог пераадольвае нецярплівасць і фундаменталізм. Усё гэта паказвае, як шмат хрысціянства яшчэ можа даць Еўропе.

І гаворка ідзе не толькі пра карані, але і пра тое, чым прасякнута наша сучаснасць, і тое, што з’яўляецца ўнёскам у будаўніцтва будучыні», — напісаў Таяні.

Паводле CREDO (IL)

Абноўлена 03.03.2018 15:57
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа