Пошук


31.03.2017 09:42  

Самая высокая святыня манаскай рэспублікі — сабор Архістратыгаў манастыра Дахіар — прыйшоў у запусценне і не вытрымае першага землятрусу. На паўвостраве яны здараюцца даволі часта.

Ігумен Дахіара архімандрыт Грыгорый (Зуміс) лічыць, што «Грэцыя дагэтуль не зразумела, што пасля вызвалення ад ісламскай тыраніі атрымала ў спадчыну два вялікіх помнікі: Акропаль і Святую гару Афон».

Па словах архімандрыта, створаны дзяржавай Цэнтр захавання афонскай спадчыны шмат гадоў пазбаўлены фінансавання, а значыць уратаваць старажытную святыню на невялікія ахвяраванні не бачыцца магчымым.

Грэчаскі манастыр Дахіар — дзясяты ў іерархіі афонскіх манастыроў і адзін з самых старажытных. Першы ўспамін пра яго сягае ў Х стагоддзе. Сёння там жывуць 40 манахаў. Сабор Архістратыгаў славіцца не толькі сваёй вышынёю, але і ўнікальнымі фрэскамі — лічыцца, што ў ім сабраны самы поўны цыкл фрэсак на Святой гары.

Паводле ria.ru
(VGr)

Абноўлена 06.03.2018 16:18
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця