Пошук

09.02.2021 10:59   Catholic.by
Фота: cyberteologia.it

11 лютага стартуе рускамоўная анлайн-версія сусветна вядомага каталіцкага часопіса La Civiltà Cattolica.

Сайт ужо працуе: на ім даступныя для прачытання пераклады некаторых артыкулаў. Больш падрабязна пра новую моўную версію часопіса можна даведацца ТУТ>>>

Часопіс La Civiltà Cattolica ужо 171 год імкнецца да разумення розных культур і традыцый, да вывучэння рэалій сучаснасці ў святле веры.

Аакрамя арыгінальнай версіі на італьянскай мове даступныя і іншыя, у тым ліку нават па-японску і па-кітайску.

Асаблівым заклікам да паяднання праз узаемаразуменне стала сустрэча паміж Патрыярхам Маскоўскім і ўсяе Русі Кірылам і Папам Францішкам, якая адбылася пяць гадоў таму, 12 лютага 2016 года. Гэтай гадавіне будзе прысвечана анлайн-сустрэча з адкрыццём інфармацыйнага рэсурсу La Civiltà Cattolica на рускай мове.

Яна распачнецца 11 лютага ў 17.30 па Мінскім часе. Удзельнікі «збяруцца» на платформе Zoom, а ўсіх ахвотных арганізатары запрашаюць далучыцца праз Facebook.

Праграма

  • Прывітальнае слова вядучага — айца Штэфана Ліпкэ SI
  • Слова арцыбіскупа Паоло Пэццы, Мітрапаліта каталіцкай архідыяцэзіі Маці Божай у Маскве
  • Слова Апостальскага нунцыя ў Расійскай Федэрацыі арцыбіскупа Джаванні Д’аньелла
  • Тэматычны даклад іераманаха Яна Гуайты «Гаванская сустрэча ў яе перспектыве»
  • Слова галоўнага рэдактара La Civiltà Cattolica айца Антоніо Спадара SI
  • Адкрыццё сайту
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця