Пошук


08.02.2017 11:11  

Выпраўленчая калонія № 22 у пасёлку Леплей Зубава-Палянскага раёна ў Рэспубліцы Мардовія (сёння — РФ) доўгі час была адзіным у СССР месцам зняволення замежных асуджаных. На сёння тут адбываюць пакаранне грамадзяне з амаль 50 дзяржаў.

З выпраўленчай калоніяй ужо доўгія гады супрацоўнічае Рыма-каталіцкая дыяцэзія святога Клімента ў Саратаве, праводзячы працу па духоўна-маральным выхаванні асуджаных каталіцкага веравызнання.


У 2000 годзе на сродкі дабрачынцаў рукамі саміх зняволеных была ўзведзена святыня Святой Сям’і. У маі гэтага года яе асвяціў біскуп Клеменс Пікель. Гэты касцёл — першая каталіцкая святыня на тэрыторыі выпраўленчых устаноў Расіі.

Душпастырствам тут займаецца кс. Джамп’етра Каруза з Масквы. Святар ужо 5 гадоў апякуецца зняволенымі, якія адбываюць пакаранне ў выпраўленчых установах Навасібірскай вобласці.

Гісторыя выпраўленчай калоніі № 22 у Рэспубліцы Мардовія пачынаецца ў 1938 годзе. Першапачаткова зняволеныя займаліся лесанарыхтоўкамі і вытворчасцю будматэрыялаў для Цемлагу (Цемнікаўскі выпраўленча-працоўны лагер). У 1956 годзе тут была арганізавана ўстанова для асуджаных замежных грамадзянаў.

Паводле gaudete.ru (VGr)
Фота УФСИН і МордовМедиа

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця