![](/3/images/news/2020/12/2020-12-16-sfdgkhkl.jpg)
З 16 снежня па 3 студзеня ў святынях Літвы спыніцца цэлебрацыя публічных набажэнстваў, але святыні па-ранейшаму будуць адчынены для наведвання вернікаў.
Пра гэта са спасылкай на Канферэнцыю Каталіцкіх Біскупаў Літвы паведамляе Іnterfax-religion.ru. «У гэтыя дні асабліва важнае наша адзінства, салідарнасць і павага адзін да аднаго. З улікам сур’ёзнасці сітуацыі, якая ў нас склалася, і абмежаванняў, аб’яўленых уладамі краіны, мы вырашылі з 16 снежня да 3 студзеня спыніць публічныя набажэнствы ў святынях», — гаворыцца ў паведамленні епіскапату Літвы.
Біскупы заклікаюць вернікаў сачыць за набажэнствамі ў інтэрнэце, па радыё і тэлебачанні.
Святыні застаюцца адчыненымі, вернікі змогуць у іх маліцца, спавядацца і па дамоўленасці са святаром прымаць святую Камунію.
Святары будуць дзяжурыць у святынях і прымаць вернікаў. Правядзенне пахавання і іншых абрадаў будзе здзяйсняцца толькі ў коле самых блізкіх членаў сям’і.
З серады ў Літве ўступаюць у сілу больш строгія каранцінныя ўмовы, згодна з якімі забаронена без важных прычын выходзіць з дому, абмежавана праца крамаў, але дазволены прагулкі ў адкрытых месцах у складзе членаў сям’і або двух чалавек, якія не пражываюць разам.
14 снежня ў Літве быў зафіксаваны антырэкорд па колькасці смерцяў ад каранавірусу — памерлі 38 пацыентаў, заразіліся 1432. У цэлым за час пандэміі ў краіне памерлі ад COVID-19 863 чалавекі, па іншых прычынах памерлі 423 заражаных.