Біскуп Джозэф Джу Бааю / Фота: Asianews.it
Пажылы кітайскі біскуп Джозэф Джу Бааю з Наньянскай дыяцэзіі (правінцыя Хэнань) трапіў у шпіталь з падазрэннем на каранавірус.
Як паведаміла са спасылкай на азіяцкае агенцтва UCAN Каталіцкае інфармацыйнае агенцтва КАІ, 98-гадовы іерарх мог заразіцца ад свайго пляменніка, які кантактаваў з інфіцыяваным святаром з Уханя.
Джу Бааю ў 2002–2010 гадах быў прызнаным Святым Пасадам біскупам Наньянскай дыяцэзіі.
Іерарх, які належаў да непрызнанага дзяржавай «падпольнага» Касцёла, шмат гадоў правёў у вязніцах і працоўных лагерах. Біскупскае пасвячэнне патаемна прыняў у 1995 годзе, стаўшы біскупам каад’ютарам у Наньяне.
