Пачынаючы з кастрычніка 2018 года Папскі Грыгарыянскі ўніверсітэт у Рыме адкрые двухгадовы курс ліцэнцыяту, прысвечаны абароне супраць злоўжыванняў.
Пра гэта паведаміў «Цэнтр абароны дзяцей» універсітэта 21 студзеня. Цэнтр, якім кіруе нямецкі тэолаг і псіхолаг Ханс Цольнер, будзе рыхтаваць спецыялістаў на дзённым аддзяленні.
Пры гэтым курсы па ахове непаўналетніх, якія выкладаліся ва ўніверсітэце дагэтуль і доўжыліся больш за семестр, будуць працягнутыя. Прапановы цэнтра накіраваны да супрацоўнікаў касцёльных і іншых інстытутаў.
Курс распачнецца ў кастрычніку і працягнецца да лютага 2019. Падаць дакументы можна да 30 чэрвеня.
