Пошук



Прэзідыум Рады Канферэнцый Біскупаў Еўропы (РКБЕ) заклікаў паважаць статус-кво Іерусаліма, замацаваны шэрагам рэзалюцый ААН.

Такім чынам РКБЕ адрэагавала на рашэнне адміністрацыі ЗША прызнаць горад сталіцай дзяржавы Ізраіль.

«Немагчыма зразумець хрысціянскія карані Еўропы без спасылкі на Іерусалім», — напісалі біскупы ў сваім спецыяльным паведамленні.

Гэты горад таксама для еўрапейскіх народаў з’яўляецца «бацькоўскім домам», менавіта таму, што гэта «дом» для многіх народаў, якія ўшаноўваюць тут святыя месцы сваіх рэлігій, нагадалі іерархі.

«Мы цвёрда перакананыя ў тым, што любыя змены ў бягучай сітуацыі могуць стварыць клімат, варожы для міру, аб чым сведчаць падзеі апошніх некалькіх дзён», — гаворыцца ў паведамленні. Еўрапейскія іерархі заклікалі ўсе бакі дзейнічаць справядліва, мудра і разважліва, каб захаваць мір і садзейнічаць яму.

Абноўлена 14.12.2017 17:34
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця