Пошук


24.11.2017 11:24   credo.pro

На плошчы перад базылікай св. Пятра ўжо пачалі ўсталёўваць жалезныя канструкцыі для сёлетняй стаенкі. Урачыстае адкрыццё адбудзецца 7 снежня, у вечар урачыстасці Беззаганнага Зачацця Найсвяцейшай Панны Марыі, хоць Дзіця ў стаенцы з’явіцца толькі 25 снежня.

Уся экспазіцыя вышынёй амаль 7 метраў займае плошчу каля 83 квадратных метраў. Сёлетняя сцэна з Божага Нараджэння будзе ў неапалітанскім стылі. Статуі для стаенкі ў чалавечы рост — падарунак тэрытарыяльнага абацтва Монтэверджыне, што ў правінцыі Беневента.

Традыцыю ўсталёўваць стаенкі на Божае Нараджэнне распачаў святы Францішак Асізскі. Першую стаенку ён падрыхтаваў у 1223 годзе ў мястэчку Грэччо ў Італіі. Святы імкнуўся такім чынам перанесці акцэнт у святкаванні Божага Нараджэння на пашану Езусу. Ужо праз 100 гадоў святочныя шопкі былі ўсталяваны ва ўсіх італьянскіх святынях. Цікава, што першая стаенка ў самім Ватыкане з’явілася толькі 35 гадоў таму па ініцыятыве св. Яна Паўла II.

Як паведамлялася, сёлета плошчу св. Пятра будзе ўпрыгожваць 28-метровая ялінка, якая прыбудзе з поўначы Польшчы і мае ахоп унізе кроны каля 10 метраў.

Упрыгожванні для яе, як і ў папярэднія гады, робяць дзеці, хворыя на рак, з розных італьянскіх бальніц, якія разам з бацькамі бяруць удзел у праграме рэкрэатыўнай керамікатэрапіі. Яны зробяць гліняныя шары і зоркі, якія пазней будуць узноўлены з сінтэтычных матэрыялаў.

Сёлета да іх далучацца таксама дзеці, якія паходзяць з цэнтральнаітальянскіх рэгіёнаў, што пацярпелі ад землятрусаў.

Абноўлена 24.11.2017 12:43
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця