Пошук


21.08.2017 10:42   Мікола Гракаў / Catholic.by

 

«Нашыя сэрцы поўняцца болем з-за тэрарыстычных актаў, якія ў гэтыя дні сталі прычынаю мноства ахвяраў у Буркіна-Фасо, у Іспаніі і ў Фінляндыі», — сказаў Пантыфік 20 жніўня падчас малітвы «Анёл Панскі» на плошчы Святога Пятра.

«Памолімся за ўсіх загінулых, за параненых і іх родных; узнясём мальбу да Пана, Бога міласэрнасці і міру, каб Ён вызваліў свет ад гэтага нялюдскага насілля. Памолімся разам у цішыні, а потым да Маці Божай», — маліўся Святы Айцец.

Таксама папа Францішак скіраваў на імя партугальскага біскупа Антоніу Карылью тэлеграму са спачуваннямі з прычыны трагедыі, якая адбылася ў партугальскім горадзе Фуншал, на выспе Мадэйра. Як паведамляе Радио Ватикана, 15 жніўня, ва ўрачыстасць Унебаўзяцця Найсвяцейшай Панны Марыі, 200-гадовае дрэва ўпала на людзей, якія рыхтаваліся прыняць удзел у працэсіі. Загінулі 13 чалавек, каля 50 атрымалі раненні.

Абноўлена 21.08.2017 10:43
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця