Пошук


Вынікам рэформы ватыканскіх фінансаў з’яўляецца ў тым ліку і змена адносін да грошай з боку кіраўнікоў і супрацоўнікаў дыкастэрый Святога Пасаду.

Гэта заўважыў у інтэрв’ю газеце італьянскага епіскапату Avvenire кс. Луіджы Місто, каардынатар Сакратарыяту па эканамічных справах, якога Папа прызначыў ў сувязі з часовай непрысутнасцю прэфекта ўстановы, аўстралійскага кардынала Джорджа Пэла.

«Эканамічна-фінансавая рэформа, якую ініцыяваў і пастаянна падтрымлівае папа Францішак, у кантэксце больш шырокай рэформы Рымскай курыі, што праводзіцца пад кіраўніцтвам Дзяржаўнага Сакратарыяту, ужо дала першыя значныя вынікі», — лічыць італьянскі святар.

У якасці першага плёну ён назваў змены ў падыходзе дыкастэрый да бюджэту, «які павінен быць неабходным інструментам для палягчэння планавання іх дзейнасці і вызначэння іх рашэнняў, памятаючы, што асноўныя мэты маюць духоўную і душпастырскую прыроду і павінны служыць Паўсюднаму Касцёлу».

На думку іерарха, у Ватыкане наступіла важная змена мыслення, што ў першую чаргу «вядзе да павагі, захавання і забеспячэння належнага выкарыстання матэрыяльных рэсурсаў, у першую чаргу грошай, якія Касцёл атрымлівае ў якасці дару, для таго, каб быць у стане выконваць сваю душпастырскую місію, прапаведуючы Евангелле, рэалізуючы духоўнае, культурнае і сакрамэнтальнае жыццё, спрыяючы гуманізму, робячы акцэнт на бедных і патрабуючых».

Трэба нагадаць, што Cакратарыят па эканамічных пытаннях быў заснаваны ў 2014 г. motu proprio папы Францішка пад назвай Fidelis et Dispensator Prudens. Яго функцыя — кансалідаваць ватыканскія фінансавыя структуры і спрасціць кіраванне імі.

Абноўлена 25.07.2017 09:23
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа