Біскуп Гродзенскі Уладзімір Гуляй, Старшыня Рады па справах душпастырства моладзі пры Канферэнцыі Каталіцкіх Біскупаў Беларусі, які прысутнічае на святкаваннях Юбілею моладзі ў Рыме, сустрэўся з біскупам Робертам Баронам.
Сустрэча адбылася на плошчы святога Пятра ў Ватыкане перад Імшой, якой распачаўся Юбілей моладзі.
У мерапрыемстве па падліках арганізатараў удзельчае каля мільёна чалавек з усяго свету. Прадстаўнікі моладзі з Беларусі таксама прымаюць у ім ўдзел.
Біскупа Роберта Барона называюць «адным з самых вядомых каталіцкіх біскупаў нашага часу», «чалавекам глыбокай веры, мудрасці і яснага багаслоўскага слова», а таксама «сапраўдным голасам Касцёла ў сучасным свеце».
Ён з'яўляецца заснавальнікам міжнароднага евангелізацыйнага праекта Word on Fire. Яго казанні, духоўныя разважанні і лекцыі даступныя ў Інтэрнэце, у тым ліку па-беларуску і па-руску на YouTube-канале «Вселенская Церковь по-русски», дзе перакладаюцца і распаўсюджваюцца яго найлепшыя прамовы.
