Канчатковыя гісталагічныя даследаванні пацвердзілі, што ў Льва XIV была лакалізаваная адэнакарцынома лёгкага і далейшая тэрапія яму не патрэбная.
Пра гэта ўвечары 21 кастрычніка паведамілі асабісты ўрач Папы Луіджы Карбонэ і прафесар Стэфана Маргарытора, які восем дзён таму аперыраваў Льва XIV у клініцы «Джэмэлі». «Сёння былі атрыманы канчатковыя вынікі гісталагічных даследаванняў і малекулярна-біялагічных аналізаў матэрыялу, выдаленага падчас хірургічнай аперацыі ў Святога Айца», — гаворыцца ў іх паведамленні.
Даследаванні пацвердзілі, што ў Папы была адэнакарцынома лёгкага і што хвароба была лакалізаваная, гэта значыць не распаўсюдзілася па арганізме.
«Наступная анкалагічная ацэнка пацвердзіла, што далейшая тэрапія не патрэбная»,
— адзначаюць урачы.
Аперацыю Льву XIV зрабілі 13 кастрычніка. Пасля выпіскі з клінікі Папа аднаўляецца ў Апостальскім палацы Ватыкана і адначасова працягвае працу. 21 кастрычніка ён правёў першую аўдыенцыю пасля выпіскі са шпіталя.
