![](/3/images/news/2023/12/16668/2023-12-11-kids.jpg)
8 снежня, на заканчэнне сустрэчы з вернікамі на малітве Анёл Панскі ў Ватыкане, Папа Францішак абвясціў аб правядзенні ў Каталіцкім Касцёле Сусветнага дня дзяцей і заклікаў прасіць Багародзіцу аб дары міру.
Пра гэта паведамляе Беларуская рэдакцыя Vatican News.
«З радасцю абвяшчаю, што 25 і 26 мая наступнага года мы будзем святкаваць у Рыме першы Сусветны дзень дзяцей. Ініцыятыва, арганізаваная Дыкастэрыяй па культуры і адукацыі, адказвае на пытанне: які свет мы хочам перадаць дзецям, якія падрастаюць? Па прыкладзе Езуса, мы хочам паставіць дзяцей у цэнтр і клапаціцца пра іх», — распавёў Святы Айцец.
Патыфік заўважыў, што ў другой палове дня наведае базыліку Святой Марыі Вялікай, а потым рымскую плошчу Іспаніі, каб памаліцца да Маці Божай.
«Прашу ўсіх, асабліва вернікаў Рыма, каб духоўна далучыліся да мяне ў гэтых жэстах даверу да нашай Маці, молячыся асаблівым чынам аб міры: міры ва Украіне, міры ў Палестыне і Ізраілі і за ўсіх, параненых вайной. Давайце будзем маліцца з мір, каб сэрцы сталі лагоднымі і настаў спакой», — заахвоціў Пантыфік.