Фота: ANSA
29 снежня кіраўнік прэс-службы Святога Пасаду праінфармаваў прадстаўнікоў СМІ пра стан Бэнэдыкта XVI.
Здароўе Папы эмэрыта пагоршылася ў сувязі са сталым узростам, нагадвае Беларуская рэдакцыя парталу Vatican News.
«Папа эмэрыт здолеў добра адпачыць мінулай ноччу, ён у поўнай яснасці розуму і прытомнасці», — сказаў Матэо Бруні ў чацвер.
Адказваючы на пытанні журналістаў, ён заўважыў, што, хоць стан Бэнэдыкта XVI застаецца цяжкім, «сітуацыя на дадзены момант стабільная».
«Папа Францішак зноў запрашае маліцца за яго і суправаджаць яго ў гэтыя цяжкія гадзіны», — дадаў афіцыйны прадстаўнік Святога Пасаду.
