Пошук

30.06.2022 13:20   Vatican News

Фота: ilgiornaleditrani.net
Фота: ilgiornaleditrani.net

Чатыры рознакаляровыя фігуры — сімвал народаў з чатырох бакоў свету, якія ідуць сярод хваль і трымаюцца за крыж-якар, — гэта лагатып Юбілею 2025 года, што пройдзе пад дэвізам Пілігрымы надзеі.

Як паведаміла Беларуская рэдакцыя парталу Vatican News, аўтарам лагатыпа, абранага на міжнародным конкурсе, з’яўляецца 50-гадовы італьянскі графік Джакамо Травізані.

«У пошуку спосабу мастацкага адлюстравання надзеі — галоўнай тэмы юбілейных святкаванняў — адразу падумалася пра сімвал крыжа, — прызнаўся аўтар лагатыпу.

«Я ўяўляў Папу, сучаснага Пятра, які вядзе Божы народ да агульнай мэты, абдымаючы крыж, які становіцца якарам, моцным арыенцірам для чалавецтва; і мы, людзі, хапаемся адно за аднаго і яго, і такім чынам трымаемся за гэты якар, сімвалічна згадваючы пілігрымаў усіх часоў», — патлумачыў аўтар.

Ён дадаў, што рознакаляровыя фігуры сімвалізуюць не толькі пілігрымаў з усяго свету, але і каштоўнасці і асаблівасці, якія ствараюць надзею: «чырвоны — гэта любоў, дзеянне і абмен; жоўты, аранжавы — гэта колер чалавечага цяпла; зялёны выклікае спакой і раўнавагу; сіні — колер бяспекі і абароны».

«Лагатып дэманструе, што шлях пілігрыма з’яўляецца не індывідуальнай, а супольнай справай, якая адзначаецца ростам дынамізму і ўсё большым і большым імкненнем да Крыжа. Крыж — не статычны, а дынамічны, ён схіляецца да чалавецтва, нібы хоча сустрэцца з ім, не пакінуць яго, дае ўпэўненасць прысутнасці і ўпэўненасць надзеі», — гаворыцца ў афіцыйным апісанні.

Абноўлена 30.06.2022 13:21
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.