15 чэрвеня Папа Францішак прыме на аўдыенцыі прэзідэнта ЗША Джозэфа Байдэна.
Як са спасылкай на CNA перадае Каталіцкае інфармацыйнае агенцтва КАІ, папярэдне з адміністрацыі амерыканскага прэзідэнта паступіла просьба аб магчымасці ўдзелу католіка Джо Байдэна ў ранішняй Імшы, якую Святы Айцец традыцыйна цэлебруе ў Доме святой Марты.
Тым не менш Святы Пасад палічыў немэтазгодным, каб амерыканскі прэзідэнт прыняў Камунію з рук Святога Айца напярэдадні абмеркавання, якое Канферэнцыя біскупаў ЗША плануе правесці на сваім пленарным пасяджэнні, што распачнецца ў сераду, 16 чэрвеня. Амерыканскія біскупы плануюць стварыць на ім камісію па падрыхтоўцы дакументу на тэму эўхарыстычных наступстваў.
Прэзідэнт Байдэн прыбывае ў Рым з Брусэля, дзе браў удзел у сустрэчы «вялікай сямёркі» — лідараў сямі найбольш уплывовых дзяржаў свету.
Пасля аўдыенцыі ў Святога Айца амерыканскі лідар скіруецца на сустрэчу з прэзідэнтам Расеі Пуціным, запланаваную на сераду.
