![](/3/images/news/2020/10/2020-10-30-pope.jpg)
З 4 лістапада агульныя аўдыенцыі ў Ватыкане зноў будуць праходзіць без удзелу вернікаў — у форме відэатрансляцыі з прыватнай Папскай бібліятэкі ў Апостальскім палацы.
Пра гэта паведамляе беларуская рэдакцыя парталу Vatican News.
Прычына вымушаных мер — пандэмія каранавірусу.
За прамым эфірам можна будзе сачыць з дапамогай ватыканскіх СМІ, у тым ліку парталу Vatican News.
Зала Друку Апостальскай Сталіцы паведаміла, што рашэнне было прынята як наступства паведамлення пра выяўленне станоўчага выніку тэсту на COVID-19 у аднаго з удзельнікаў агульнай аўдыенцыі, якая праходзіла 21 кастрычніка, а таксама з мэтай прадухілення стварэння пагрозы для здароўя ўдзельнікаў.
Агульныя аўдыенцыі сёлета ўжо праводзіліся ў фармаце відэатрансляцый з 11 сакавіка па 2 верасня.
Пасля 189-дзённага перапынку Папа зноў пачаў сустракацца з вернікамі. Спачатку аўдыенцыі адбываліся ва ўнутраным дворыку Апостальскага палацу, затым — у ватыканскай Зале Паўла VI.
У сувязі з пандэміяй папскія цэлебрацыі ў бліжэйшыя месяцы будуць праходзіць у прысутнасці вельмі абмежанавай колькасці вернікаў, калі эпідэміялагічная сітуацыя не зменіцца.