Папа Пій VII / Іl Sismografo
Запланаванае на 3 кастрычніка падпісанне Папам Францішкам яго трэцяй энцыклікі Fratelli tutti (Усе браты), што адбудзецца ў Асізі, стане першай такой падзеяй за 206 гадоў па-за мурамі Ватыкана.
Як нагадвае Іl Sismografo, у мінулы раз такое мела месца 14 мая 1814 года, калі Папа Пій VII падпісаў энцыкліку Il Trionfo (Трыумф) у сваёй роднай Чэзэне.
Тады Папа, у 1809 годзе захоплены імператарам Напалеонам і зняволены ў Францыі, абвясціў у ёй сваё вяртанне ў Рым і аднаўленне Касцёльнай дзяржавы. Энцыкліка пачыналася словамі «Трыумф Божай Міласэрнасці».
