3 мая пасля традыцыйнай малітвы Regina Cæli, якая прайшла ў Ватыкане, Святы Айцец заклікаў далучыцца да міжрэлійгінай ініцыятывы малітвы і посту ў інтэнцыі заканчэння пандэміі каранавірусу.
«Паколькі малітва мае паўсюдную каштоўнасць, я прыняў прапанову Высокага камітэта па чалавечым братэрстве адносна таго, каб 14 мая вернікі ўсіх рэлігій духоўна далучыліся да Дня малітвы і посту, просячы Бога дапамагчы чалавецтву перамагчы пандэмію каранавірусу», — цытуе словы Папы Францішка Беларуская рэдакцыя парталу Vatican News.
Малітоўная ініцыятыва была абвешчана 2 мая спецыяльным паведамленнем Камітэту па рэалізацыі мэтаў «Дэкларацыі аб братэрстве паміж людзьмі, міры ў свеце і агульным суіснаванні», падпісанай у лютым мінулага года ў Абу-Дабі Папам Францішкам і імамам універсітэта Аль-Азхар.
