11 лютага па благаслаўленні Патрыярха Маскоўскага і ўсяе Русі Кірыла старшыня Аддзела знешніх царкоўных сувязяў Маскоўскага Патыярхату Мітрапаліт Валакаламскі Іларыён (Алфееў) прыбыў у Рым для ўдзелу ў мерапрыемствах, прысвечаных чацвёртай гадавіне гістарычнай сустрэчы Папы Францішка і Патрыярха Кірыла ў Гаване.
Як паведамляе сайт Аддзела знешніх царкоўных сувязяў, у рымскім аэрапорце імя Леанардо да Вінчы праваслаўнага іерарха сустрэлі Надзвычайны і Паўнамоцны пасол Расійскай Федэрацыі пры Святым Пасадзе Аляксандр Аўдзееў, адказны сакратар Аміністрацыі прыходаў Маскоўскага Патрыярхату ў Італіі іераманах Амвросій (Мацегора) і супрацоўнік Папскай рады спрыяння хрысціянскаму адзінству ксёндз Ярамір Задрапа.
Вечарам у Доме святой Марты ў Ватыкане адбылася сустрэча Мітрапаліта Іларыёна са старшынёй Папскай рады спрыяння хрысціянскаму адзінству кардыналам Куртам Кохам.
Бакі абмеркавалі актуальны стан адносін паміж Маскоўскім Патрыярхатам і Рыма-Каталіцкім Касцёлам. Асаблівая ўвага была нададзена развіццю праваслаўна-каталіцкага дыялогу ў межах Змешанай міжнароднай камісіі па тэалагічным дыялогу паміж Рыма-Каталіцкім Касцёлам і Праваслаўнай Царквой.
