![](/3/images/news/2019/06/9979/2015-03-14-parafiada2-004.jpg)
Раніцай 12 чэрвеня арцыбіскуп Тадэвуш Кандрусевіч, Мітрапаліт Мінска-Магілёўскі, узначаліў цэлебрацыю святой Імшы ў парафіі Найсвяцейшага Адкупіцеля ў гродзенскім мікрараёне Дзевятоўка ў межах ХІ Парафіяды дзяцей і моладзі Гродзенскай дыяцэзіі.
У Парафіядзе ўдзельнічае каля 400 чалавек. Асаблівую радасць арцыбіскупу Кандрусевічу прынеслі маладыя людзі з Котласа (Архангельская вобласць Расіі), дзе ён быў біскупам 16 гадоў. Іерарх пажартаваў, што, можа, нават кагосьці з іх хрысціў.
У прамове падчас Імшы арцыбіскуп засяродзіў увагу на трох вымярэннях Парафіяды: святыня, тэатр, стадыён.
Святыня, як адзначыў ён, з’яўляецца месцам сустрэчы чалавека з Богам у Божым слове, сакрамэнтах і дабрачыннай дзейнасці. Тэатр і мастацтва з першых стагоддзяў хрысціянства выкарыстоўваліся для евангелізацыі. У старых кляштарах і касцёлах, у тым ліку і ў гродзенскай катэдры, можна знайсці фрэскі з біблійнымі сюжэтамі. Гэта была так званая Біблія для непісьменных.
![](/3/images/previews/news/2019/06/9979/s-2015-03-14-parafiada2-001.jpg)
![](/3/images/previews/news/2019/06/9979/s-2015-03-14-parafiada2-002.jpg)
![](/3/images/previews/news/2019/06/9979/s-2015-03-14-parafiada2-003.jpg)
![](/3/images/previews/news/2019/06/9979/s-2015-03-14-parafiada2-004.jpg)
![](/3/images/previews/news/2019/06/9979/s-2015-03-14-parafiada2-005.jpg)
![](/3/images/previews/news/2019/06/9979/s-2015-03-14-parafiada2-006.jpg)
![](/3/images/previews/news/2019/06/9979/s-2015-03-14-parafiada2-007.jpg)
![](/3/images/previews/news/2019/06/9979/s-2015-03-14-parafiada2-008.jpg)
![](/3/images/previews/news/2019/06/9979/s-2015-03-14-parafiada2-009.jpg)
![](/3/images/previews/news/2019/06/9979/s-2015-03-14-parafiada2-010.jpg)
![](/3/images/news/2019/06/9979/2015-03-14-parafiada2-001.jpg)
![](/3/images/news/2019/06/9979/2015-03-14-parafiada2-002.jpg)
![](/3/images/news/2019/06/9979/2015-03-14-parafiada2-003.jpg)
![](/3/images/news/2019/06/9979/2015-03-14-parafiada2-004.jpg)
![](/3/images/news/2019/06/9979/2015-03-14-parafiada2-005.jpg)
![](/3/images/news/2019/06/9979/2015-03-14-parafiada2-006.jpg)
![](/3/images/news/2019/06/9979/2015-03-14-parafiada2-007.jpg)
![](/3/images/news/2019/06/9979/2015-03-14-parafiada2-008.jpg)
![](/3/images/news/2019/06/9979/2015-03-14-parafiada2-009.jpg)
![](/3/images/news/2019/06/9979/2015-03-14-parafiada2-010.jpg)
Спорт, па словах іерарха, з’яўляецца каталізатарам сацыялізацыі, супольнага жыцця людей розных нацый, моваў, культур. Ён гартуе волю чалавека, вучыць прыняць паразу, каб з гэтага зрабіць адпаведныя высновы і ў будучыні перамагаць. У спорце існуюць свае правілы. Гэта алюзія да правіл нашага жыцця, якія прадстаўляюць Біблія і Касцёл. Як у спорце трэба гуляць паводле правіл, так, падкрэсліў арцыбіскуп, і ў жыцці трэба прытрымлівацца Божага слова, якое нам дадзена не для таго, каб мы яго змянялі, але каб яно нас змяняла.
Пастыр Мінска-Магілёўскай архідыяцэзіі пажадаў маладым удзельнікам Парафіяды, прытрымліваючыся алімпійскага прынцыпу «галоўнае не перамога, а ўдзел», імкнуцца да фізічнай і духоўнай дасканаласці.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)